ჩვილებში რკინის დეფიციტის სიმპტომები

ბავშვში რკინის დეფიციტი საშიში მდგომარეობაა და მშობლებმა უნდა იცოდნენ, როგორ აიცილონ თავიდან ეს და როდის უნდა იყვნენ ფხიზლად და მიმართონ ექიმს.

წყარო: shutterstock

ბავშვის ორგანიზმში რკინის დეფიციტი ხშირი მოვლენაა, მისი შედეგები საკმაოდ სპეციფიკური და კარგად არის ცნობილი. სწორედ რკინა აძლევს სისხლის წითელ უჯრედებს (ერითროციტებს) ჟანგბადის გადატანის საშუალებას — ერითროციტებში რკინის შემცველი ცილა ჰემოგლობინია, რომელიც „მუშაობს“, როგორც ჟანგბადის მთავარი გადამტანი.

ევჰენ კომაროვსკი

პედიატრი, ტელეწამყვანი, ბავშვების ჯანმრთელობისა და საღი აზრის შესახებ წიგნების ავტორი.

რკინის დეფიციტი იწვევს ე.წ. რკინადეფიციტური ანემიის განვითარებას, რამაც შეიძლება უარყოფითი გავლენა მოახდინოს ბავშვის ზრდა-განვითარებაზე, სხვა დაავადებების სიმძიმეზე.

ასევე წაიკითხე

შენი შვილი ხშირად ტირის?! რატომ არის ეს კარგი დედის ნიშანი?

წაიკითხეთ სტატია

როდის უნდა ვიფიქროთ რკინის დეფიციტზე?

როდესაც არსებობს რისკ-ფაქტორები:

• ანემია დედაში;
• ნაადრევი
• მრავალჯერადი ორსულობა
• დაბალი წონა დაბადებისას
• ძროხის რძით კვება
• რკინის შემცველი პროდუქტებით დამატებითი კვების არარსებობა 6 თვის შემდეგ
• რკინით არ გამდიდრებული ნარევით კვება

რძის ნარევში საკმარისი რკინის შემცველობის დარწმუნება მარტივია. შეხედეთ შემადგენლობას, გამოთვალეთ იმის გათვალისწინებით, რომ 7-12 თვის ასაკის ბავშვისთვის რეკომენდებული რკინის დღიური რაოდენობა 10-11 მგ-ია.

წყარო: Shutterstock

როდესაც საგანგაშო სიმპტომებია

• კანისა და ლორწოვანი გარსების სიფერმკრთალე
• სწრაფი სუნთქვა
• ლეთარგია, დაღლილობა, კაპრიზულობა
• ზრდისა და განვითარების შეფერხება
• ხშირი ინფექციები

ნებისმიერი ხსენებული სიმპტომი, განსაკუთრებით რისკ-ფაქტორებთან ერთად, ექიმთან ვიზიტის მიზეზია. სისხლის ანალიზი (ერითროციტების, ჰემოგლობინის, რკინის რაოდენობის განსაზღვრა) საშუალებას გაძლევთ სწრაფად დააფიქსიროთ ყველა „ი“ (ზოგიერთ ქვეყანაში გადაწყდა კიდეც, რომ 9-12 თვის ასაკში ყველა ბავშვს სჭირდება ასეთი შემოწმება).